Раштав уйăхěн 19-мěшěнче 49-мěш вăтам шкулта пысăк уяв иртрě. Ăна вилěмсěр «Нарспи» поэма авторне К.В.Иванова халалланă. Уява 9-мěш, 36-мěш, 49-мěш, 56-мěш вăтам шкулсенче тата 44-мěш лицейра вěренекенсем хутшăнчěç. Тěл пулăва Зоя Сывлăмпи поэтесса илем кěртрě. Чăн малтан 49-мěш шкулта 6-мěш А класра вěренекенсем поэтăн кун-çулě, ěçě-хěлě çинчен каласа пачěç. Унтан сăвва илемлě вулакансен, сочинени çыракансен , юмах калакансен конкурсěсем иртрěç. Ачасем «Эсě К.В.Иванов поэт çинчен пěлетěн-и?»викторинăна та хастар хутшăнчěç. Зоя Сывлăмпи те хăйěн сăввисене чăвашла та, вырăсла та вуларě. К.В.Иванов поэта халалланă тěл пулу-уяв интереслě, çав вăхăтрах аслисемшěн те, вěренекенсемшěн те питě усăллă иртрě.
